Ginhingyo sang International Criminal Court (ICC) Prosecution nga ipasaysay sang defense counsel ni anay Presidente Rodrigo Duterte ang papel sang anum ka Filipino lawyers nga sanday Salvador Medialdea, Salvador Panelo, Martin Delgra, Silvestre Bello III, Alfredo Lim, kag Cesar Dulay.
Ginpahayag ni Defense Counsel Nicholas Kaufman nga nagbulig kag nagsuporta sila bisan nakapungko lang sa gallery, samtang ginmentionar niya nga sanday Medialdea kag Delgra ang nagabulig paagi sa una.
Ginkumpirma naman ni Panelo nga may plano ang defense team nga makigpulong sa mga abogado agud talakayon ang estratehiya sa hearing.
Bangud sini, ginhingyo sang ICC Pre-Trial Chamber 1 nga ipahayag sang defense nga indi miyembro sang defense team ang anum ka lawyers.
Ginpasiguro man sang prosecution nga indi sila makabaton sang case disclosure, non-public filings, ukon legal privilege, kag indi makapulong personal sa anay presidente sa Detention Center.
Suno sa prosecution, importante ini agud maprotekteheran ang kaluwasan, dignidad, kag psychological well-being sang mga biktima kag witnesses, suno sa Article 68 sang Rome Statute.
