Madamo ang nakahan-ay nga mga programa ang probinsya para sa mga kababaihan bilang selebrasyon sang Women’s Month.
Ini ang nangin pahayag ni Junnette Ines Hurtado – Board Member, South Cotabato, sa interview sang Bombo Radyo Koronadal.
Suno kay Hurtado, madamo kag padayon ang paghatag sang mga programa ang probinsya para sa mga kababaihan.
Gindugang pa niya nga padayon ang ila pagtutok sa mga problema ukon isyu nga ginadangat sa ila talatapan lakip na ang Violence Against Women and their Children ukon VAWC.
Ginpahayag niya nga dako man ang papel sang mga otoridad sa pagpanalipod sa mga katungod sang mga kababaihan ilabi na sa mga kaso sang pagpang-abusar.
Bangud sini, nagpatigayon sang Gender and Development Symposium ang probinsya sang South Cotabato agud maghatag sang insakto nga edukasyon sa mga kalalakihan may kaangtanan sa mga katungod, papel, kag bili sang mga kababaihan indi lang sa pamilya kundi lakip man ang sosyudad.
Nagpanawagan si Hurtado sa publiko ilabi na sa mga kababaihan nga buligan kag suportran ang kasubong nga babaye sa pag-uswag kag sa pagpabilin nga mabaskog sa halit sang kabuhi.
