KORONADAL CITY – Yara sa duha ka mga empleyado sang City Hall sa Koronadal ang nagpositibo sa COVID-19 kag kalakip na ini karon sa 68 ka mga aktibo nga kaso sa siyudad.
Ito ang ginkumpirmar ni Dr. Edito Vego, City Health Officer sang Koronadal sa interbyu sang Bombo Radyo.
Suno kay Dr. Vego sa subong nagsaka na sa 329 ang kaso sang COVID-19 sa siyudad kun diin yara sa 254 na ang nakarekober sa mga ini.
Naglab-ot naman sa halos 20 ang mga naka-close contacts sang duha ka empleyado nga nagpositibo nga gilayon ginpaidalom sa isolation kag swab tests.
Kaangot sini, ginrekomendar ni Dr. Vego nga ipaidalom sa dis-infection ang bug-os nga City Hall.
Nagpaguwa man kahapon sang memorandum si Koronadal City Mayor Eliordo Ogena nga temporaryoa nga suspendiron ang trabaho agud nga hatagan ligwa ang dis-infection kag contact tracing.
Posible naman daw nga ipaidalom sa Rapid test ang tanan nga empleyado sang City Hall.
