Gin-aprubahan na ni Pang. Ferdinand Marcos Jr. ang rekomendasyon sang Department of Social Welfare and Development nga pasakaan ang cash grant sa mga benepisyaryo sang Pantawid Pamilyang Pilipino Program (4Ps).
Ginhimo sang Pangulo ang pag-aprubar sa ginpatigayon nga sectoral meeting kaupod ang DSWD, NEDA kag iban pa nga nagakaigo nga ahensya sa Malakanyang.
Sa pagsinapol, gin-aprubahan ni PBBM ang rekomendasyon sang DSWD lakip na ang expansion sang programa kun diin igalakipman ang mga nagadala kag nagpasuso nga iloy sa 4Ps.
Kadungan sini ginmanduan sang Presidente ang DSWD kag NEDA nga e-pinalisar ang mga numero para gilayon nga mapatuman ang mas mataas nga 4Ps grant.
Madumduman nga sa una nga pagsinapol sang Pebrero angot sa ginaduso nga mga reporma sa 4Ps, ginrekomendar sang DSWD nga dugangan ang kantidad sang 4Ps grant kag hatagan man sang cash grant ang First 1,000 Days (F1KD) sang mga bata.
Magapasaka ini sang adjustments sa purchasing power sang 4Ps beneficiaries kag magahatag sang insentibo sa mga ini para kay-uhon pa ang compliance sa mga kondisyon sang programa nga magasabat sa problema sang malnutrisyon.
Log In ‹ Bombo Radyo Koronadal — WordPress
