Padayon sa gihapon ang pagbulig sa mga residente nga apektado sang Bagyong Kristine sa bahin sang Lutayan, Sultan Kudarat subong nga adlaw Oktubre 25, 2024.
Suno kay Mark Anthony Rojas Gegawin DSWD XII Warehouse In-Charge, hindi lang ang SOCCSKSARGEN ang ginahatagan sang relief goods kundi pati man ang mga kaiping nga lugar.
Ang relief goods naga unod sang 10 ka kape, 6 kilos nga bugas, kag pulo nga canned goods.
Suno naman kay Dennis Domingo DSWD 12 Information Officer, naka depende sa kinahanglan sang residente ang ila igahatag may yara sila relief goods, hygiene kit, kag pati amn ang mga gamit pang tulog.
Nag umpisa ang pag panagtag sang relief goods kahapon sang Oktubre 24, 2024 apang naglunsar man sang area validation ang DSWD XII sa mga apektado nga lugar sa Pikit, Cotabato Province nga naapektuhan gihapon sang Bagyong Kristine agud ma chekyar kung nahatagan ang nasambit nga lugar sang ila panginanglanon.
