Magpadayon sa ila nga mga operasyon ang Department of Social Welfare and Development (DSWD) Field Offices (FOs) sa kalamidad para sa mga pamilya kag mga indibidwal nga apektado sang Bagyo Marce samtang nagahanda man sila sa ila mga pagpanikasog sa pagtubag para sa Severe Tropikal Storm Bagyo Nika.
Suno kay DSWD spokesperson Irene Dumlao agud masiguro ang gilayon nga paghatag sang ayuda sa kalamidad ilabi na sa mga apektado sa Ilocos Region, Cagayan Valley, kag Cordillera Administrative Region (CAR), padayon nga gina-awhag ang regional warehouses agud ipadala ang mga relief goods kag suportahan ang mga operasyon sa kalamidad sa rehiyon sa labing madali nga panahon.
Dugang sini, nga ang bodega sang DSWD Field Office CAR sa banwa sang La Trinidad sa probinsya sang Benguet wala nagauntat sa pagpadala sang mga suplay sa kalamidad agud suportahan ang mga pagbulig sa mga naapektuhan sang bagyo sa rehiyon sang Cagayan Valley.
Ginpasiguro man ni Dumlao, nga padayon gihapon ang pag binuliganay kag pakig angot sang gma ahensya agud makabangon ang mga naapektuhan sang mga kalamidad sa pungsod.
