KORONADAL CITY – Ginsalakay sang mga otoridad ang ginapatihan nga drug den sa Purok Sta. Barbara, Brgy. Paitan, Esperanza, Sultan Kudarat nga nagresulta sa pagkaarestar sa isa ka drug suspect.
Gin-implementar sang gintingob nga pwersa sang Esperanza Municipal Police Station, SKPDEU kag PDEA-Sultan Kudarat Province ang search warrant nga ginpaguwa sang RTC Branch 19, Sultan Kudarat sa panimalay sang drug suspect nga ginkilala kay alyas Mark.
Narekober sang mga operatiba ang tatlo ka (3) medium size sachet, apat (4) ka small size sachet kag mga empty sachet sang ginapatihan nga shabu.
Nakuha sa posisyon sini ang yara sa ₱34,000.00 nga kantidad sang illegal nga droga kag mga drug paraphernalia.
Sa subong, yar ana sa kustodiya sang mga otoridad ang drug suspect kag natalana nga pasakaan sang kaso nga paglapas sa RA9165.
