Agud mahatagan solusyon ang isyu sa unemployment sa Pilipinas, gin-anunsyo sang Department of Labor and Employment (DOLE) nga magapatigayon ang ahensya sang nationwide job fair sa masobra 60 sites sa bug-os nga pungsod sa Septyembre 13.
Angot sini, ginabanta 900 employers na ang nagkomitir nga magpasakop sa nasambit nga event kag magatanyag sang bakante nga mga ubra sa nagkalain-lain nga rehiyon sa Pilipinas.
Ginaganyat ni Labor Secretary Bienvenido Laguesma, ang mga fresh graduates nga mag-apply kasunod sa pagsaka sang unemployment rate sang tinalikdan nga Hulyo.
Dugang pa ni Laguesma nga masobra duha ka milyon na nga job vacancies ang natanyag sang ila ahensya halin sang Enero tubtob subong nga bulan sang Septyembre.
Matapos ang pagsaka sang unemployment sa 4.7 percent sang Hulyo, nagalaum ang DOLE nga madamo na nga mga indibidwal ang mahatagan sang trabaho ilabi na nga nagahilapit ang holiday season.
