Nagpaguwa na ang Department of Education (DepEd) sang guidelines para sa pagpatigayon sang mga aktibidad sa Academic Year 2024-2025.
Sa idalom sang Department Order 009 series of 2024, nakasaad nga opisyal nga magabukas ang school year sa Hulyo 29, 2024 kag magatakop sa Abril 15, 2025.
Magapabilin nga primary learning delivery modality (LDM) ang in-person classes ukon ang face to face classes.
Ang iban nga paagi ang pwede man mapatuman kaangay sang blended learning kag full distance learning kun halimbawa isuspinde sang local government unit ang face-to-face classes bangud sa kalamidad kag emerhensya.
Nakatalana naman ang Brigada Eskwela ukon ang tuigan nga school maintenance activities sa Hulyo 22-27, 2024 samtang maga-conduct naman ang DepEd sang Oplan Balik Eskwela sa Hulyo 22 tubtub sa Agusto 2, 2024.
Agud ma-monitor sang maayo ang natun-an sang mga kabataan, ginmandu man sa mga eskwelahan nga dapat regular ang formative kag summative assessments base sa mga petsa nga nakasaad sa department order.
Naka-schedule naman ang midyear school break sa Nobyembre 25 to 29 samtang ang Christmas break magasugod sa Disyembre 21, 2024. Pagkatapos sina, magabalik ang klase sa January 2, 2025.
Samtang, suno sa ahensya, ang end-of-school-year rites ang nakatalana sa Abril 14-15, 2025.
