KORONADAL CITY- Hugot nga ginakondenar ni Moro National Liberation Front Faction Chair Muslimin Sema ang natabo nga pagsigabong sang Improvised Explosive Device sa guwa sang isa ka mall sa siyudad sang Cotabato nga ginkapatay sang 2 kag ginkapilas naman sang masobra 30 ka iban pa.
Sa ekslusibo nga interbyu sang Bombo Radyo Koronadal kay Sema, ginpahayag sini nga maathag nga ang target sang nasambit nga kalakasan amo nga punggan nga magmadinalag-on ang Bangsamoro Organic Law.
Dugang pa sini nga una pa lamang indi na luyag sang Bangsamoro Islamic Freedom Fighters nga makaangkon sang kasugtanan ang mga moro sa gobyerno bangud sa paglapas ini sa ila nga personal interes rason nga luyag nila nga indi matigayon ang plebisito para sa BOL sa Enero 21, 2019.
Gintawag man sini nga matalaw ang terorista nga grupo nga yara sa likod sang pagsigabong kun diin kadam-an sa mga nalamita ang mga inosente nga sibilyan.
