KORONADAL CITY – Wala sang nakit-an nga foul play ang mga otoridad sa kamatayon sang isa ka 21-anyos nga estudyante nga nasapwan nga patay sa sulod sang isa nga boarding house sa Koronadal City.
Ini maapos naguwa sa imbestigasyon sang kapulisan nga nag-utas sang iya kaugalingon nga kabuhi ang biktima nga isa ka Business Administration kag residente sang siyudad sang Koronadal.
Suno kay Police Lt. Col. Hoover Angonio, pasado alas-11:00 sang gab-i sang Agosto 29, 2024 sang nagtawag sa police station ang isa ka board mate sang biktima nga ginkilala lamang sa alyas Aron gani nagresponde ang kapulisan kag didto nakita nga nagabitay na ang biktima sa sulod sang kwarto sini gamit ang isa ka nylon strap.
Suno pa kay Antonio, ang tiya sang biktima ang nagpahayag nga ikaduha ka beses na ini nga ginhimo sang biktima kag tigayon na gid ini nga ginbawian sang kabuhi.
Nagasuprer suno pa sang problema ang biktima nga wala man ginsugid sa pamilya sini kun ano nga sahi sang problema.
Antes ang insidente, gintilawan pa daw nga lantawon sang tiya sini ang sitwasyon sang biktima matapos makabaton sang mensahe nga nagapamaalam ini.
Apang sang ginsulod sa iya nga kwarto si Alyas Aron,wala na ini sang kabuhi.
Kaangot sini, nagapanawagan naman si Antonio sa tanan nga kun nagasuprer sang mental problema makig-istorya sa pamilya, abyan kag mangayo sang bulig agud ini ang masolusyonan.
