KORONADAL CITY – Naalarma si City Health Officer Dr. Edito Vego sa impormasyon nga pila sa mga personalidad sa guwa sang probinsya sang South COtabato pasulod sa siyudad sang Koronadal ang wala nagpaidalom sa quarantine procedures.
Suno kay Dr. Vego sa interbyu sang Bombo Radyo Koronadal, nagpahayag ini sang kabalaka makaligad nakalab-ot sa ila talatapan ang pipila na ka mga reklamo nga pila ka mga persona kun sa diin iban sa ila ang halin pa sa Davao City ang nakasulod sa siyudad sang Koronadal nga wala nagapaidalom sa mandatory 14-day quarantine.
Ginpahayag sang opisyal nga pila sa mga ini ang mga persona nga nagpauli diri sa siyudad sang Koronadal makaligad nahibaloan nga naghagan-hagan na ang estado kag seguridad tuga sa pagpaidalom sa modified general community quarantine.
Gani panawagan sini sa tanan nga kun sin-uman ang nakakilala sa sini nga mga persona, agud tigayon sila nga ipaidalom sa mandatory isolation procedure kag malikawan ang pagkaangkon sang local transmission kag ang liwat nga pagtuhaw sang kumpirmado nga kaso sang siyudad.
