Liwat nga gin-atake sang Israeli forces ang central Gaza, isa ka adlaw matapos ginpatay ang 274 ka Palestinians sa isa ka hostage rescue raid.
Suno sa residente kag mga Hamas, naga-abanse naman ang mga tangke sa pila ka lugar sa Rafah sa tuyo nga makordon ang southern city.
Ginkakibot sang Palestinians ang death toll nga amo ang ginakabig pinakamalala sa sulod sang 24 ka oras sang gyera sa Gaza sa sulod sang pila ka bulan nga ginlakipan sang kababainhan kag mga kabataan.
Suno sa health ministry sang Gaza, 274 ka Palestinians ang nagkalamatay nga nagsaka nagikan sa 210 nga una nga gin-report sang Sabado. Nagdangat naman sa 698 ang pilason sang naglinapta ang Israeli special force commandos sa Al-Nuseirat camp nga puno sang tawo agud nga mag-rescue sang apat ka hostages nga bihag sang militante humalin pa sang Okrubre.
Ginpahayag naman sang Israeli military nga isa ka opisyal sang special forces ang napatay sa binaslanay sang bala.
