Gin-aprubahan na sang mga mamalidha sa France ang isa ka hagna nga nagadumili sa mga kabataan nga 15 anyos panubo sa paggamit sang social media.
Kun mapirmahan ni French President Emmanuel Macron, mangin una ang France sa European Union nga may amo sini nga layi nga nagalimitar sang paggamit sang social media sa mga menor de edad.
Suno sa mga datos, ginpaburan sang kadam-an sang mga mamalidha ang nasambit nga hagna kag nagahulat na lang ini sang pirma sang presidente agud mangin opisyal nga layi.
Sang nagligad nga tuig, naghimo man sang maragtas ang Australia matapos ipatuman ang pagdumili sa paggamit sang social media para sa mga kabataan nga 16 anyos paubos nga ginsundan man sang pag-anunsyo sang United Kingdom sang kasubong nga tikang.
Sa madason nga tuig naman, ginapaabot nga magapatuman man sang mga limitasyon sa edad sa paggamit sang social media ang mga pungsod nga Spain, Greece, kag Denmark.
