Nagsumiter na si Senador Alan Peter Cayetano sang iya counter-affidavit sa Office of the Ombudsman bilang sabat sa obstruction of justice complaint nga may kaangtanan sa ginapatihan nga pagbulig sa pagpalagyo ni Senador Ronald “Bato” dela Rosa sa Senado sang Mayo 14.
Ginkumpirmar sang Ombudsman nga nabaton nila ang counter-affidavit ni Cayetano sang Miyerkules bilang sabat sa reklamo nga ginpasaka sang Tindig Pilipinas sang Hunyo 3.
Suno sa anti-graft body, kabahin ini sang nagapadayon nga preliminary investigation sa reklamo nga ginpasaka sang mga miyembro sang civil society.
Lakip man sa mga respondents sa kaso sanday Senador Robin Padilla kag anay Senate Sergeant-at-Arms Mao Aplasca.
Apang tubtob subong, wala pa sila nakasumite sang ila tagsa ka kontra-salaysay.
Ginpaandam sang Ombudsman nga kon mapaslawan sila sa pagsumite sang ila counter-affidavits antes sang deadline, pagakabigon ang kaso nga deemed submitted for resolution, kag indi na sila pagbatunon sang dugang nga mga dokumento ukon apela.
