Ginpahayag ni Senate Minority Leader Alan Peter Cayetano nga indi dapat mangin rason ang impeachment trial ni Bise Presidente Sara Duterte agud madelatar sang Senado ang imbestigasyon sa ginapatihan nga flood control scam.
Suno kay Cayetano, indi dapat mapasagdan ang mga isyu sang korapsyon samtang ginahimo sang Senado ang impeachment proceedings.
Suno sa senador, mas dako pa ang kantidad sang pondo nga naulamid sa kontrobersiya sang flood control projects, gani dapat ipadayon ang mga hearings sang Blue Ribbon Committee.
Ginpakamalaot man liwat ni Cayetano si Sen. Panfilo Lacson bangud sa iya ginapatihan nga pamaagi sa pagdumala sang mga nagligad nga imbestigasyon.
Ginkwestyon man niya ang posisyon ni Sen. Erwin Tulfo nga kinahanglan anay sang bag-o nga ebidensya antes liwat magpatigayon sang hearing.
Samtang, ginpanginwala ni Senate President Francis Escudero ang mga alegasyon nga nakabaton siya sang maleta nga may kwarta may kaangtanan sa isyu.
Nagpanawagan naman si Cayetano sa iya mga kasubong niya nga senador nga magpabilin nga patas kag politically neutral samtang ginatuman nila ang ila katungdanan bilang senator-judges sa impeachment trial.
