KORONADAL CITY – Nagsaka na sa anum ang kabug-usan nga kaso sang COVID-19 positive sa probinsiya sang South Cotabato.
Ini ang ginpahayag ni Dr. Rogelio Aturdido, provincial health officer sang South Cotabato.
Suno kay Dr. Aturdio, ang duha ka dugang nga kaso sa probinsiya ang isa ka 24 anyos nga buntis gikan sa Cebu city kag isa ka out-going OFW nga na-stranded sa Metro Manila.
Ang nasambit nga buntis ang yara na sa COVID Isolation facility sang probinsiya sa banwa sang Surallah.
Kaupod sang buntis ang iya bana kag isa ka tuig nga bata nga nag-negatibo naman sa rapid test.
Antes pa man nagpositibo sa swab test makaduha ka beses ini nga nagpositibo sa rapid test.
Samtang, ang OFW nga taga-siyudad sang Koronadal ang isa ka-34 anyos nga gikan sa Metro Manila kag may mild nga sintomas nga naka-isolate naman sa subong.
Nahibaluan nga wala man nakaupod sang nagpositibo sa Koronadal ang pamilya sini bangud gilayon siya nga ginpaidalom sa quarantine pag-abot sini sa siyudad.
Apang, ginapatigayon na ang contact tracing sa 132 nga nakaupod sini sa eroplano kag sa bus sa pagpauli sini sa Koronadal.
Mangin ang mga medical workers kag responders nga may contact ang duha ka nagpositive ang igapaidalom naman sa test kag isolation.
