“Worth the wait!”
Amo lang ini ang ginpahayag sang award-winning actress kag nga si Kaladkaren matapos nga liwat nga nag-propose sa iya ang British fiancé nga si Luke Wrightson sa tunga sang prenup shoot nila sa London, England.
Si Kaladkaren, Jervi Li sa matuod nga kabuhi, isa ka trans woman nga nakilala tungod sa iya pag-impersonate sa broadcaster nga si Karen Davila.
Si Luke naman isa ka merchant sailor nga nakabase sa United Kingdom.
Apisar na-engage na sila sang Setyembre 2020, liwat nga ginpamatud-an ni Luke ang iya tampad nga paghigugma kay Kaladkaren sang liwat siya nagluhod sa atubangan sini kag liwat nga ginhingyo ang kamot sini.
Ginpakigbahin naman ni Kaladkaren ang mga kuha nga litrato sang second proposal sang iya sang nobyo nga natabo pa gid mismo sa tunga sang prenup shoot nila sa London.
