KORONADAL CITY – Naglab-ot na sa 14 ang numero sang mga nalupkan sa pagsug-alaw sang bag ong tuig sa probinsya sang South Cotabato.
Ini ang gin pahayag ni South Cotabato Integrated Provincial Health Officer Dr. Rogelio Aturdido Jr. sa interbyu sang Bombo Radyo Koronadal.
Pinakalala ang isa ka biktima nga menor de edad halin sa banwa sang Norala, South Cotabato nga naigo sa iya nga mata.
Apang ginpahayag nga sa nasambit nga numero, mas nagnubo gihapon ini sa 60% kun ikumparar sa mga nalupkan sang nakaligad nga tuig.
Suno kay Aturdido nga kadamuan sa mga biktima ang yara sa 7 tubtob sa 15 anyos samtang 45 anyos naman ang pinaka tigulang.
Nahibaluan nga may pinakamataas nga numero sang mga nangin biktima sang palupok amo ang syudad sang Koronadal nga naglab-ot sa tatlo.
Naging kapansin-pansin man nga kadamuan sa mga biktima ang nalupkan sang legal nga palupok.
Samtang tatlo ka makasunod nga tuig nga zero casualty ang South Cotabato sa stray bullet.
