Ginmando ni Eleanor alabado Borje Kapitan sang Barangay Zone 4 syudad sang Korondal nga iya ipatawag ang mga tag iya sang mga boarding houses sa iya nga barangay agud nga istoryahon para man seguridad.
Ini man ang nangin kabahin sa iya nga pahayag sa interview sang bombo radyo korondal.
Suno kay Kap. Borje, magpatawag man siya sang mga pila ka mga kapulisan agud ma istorya man ang mga tag-iya sang mga boarding houses agud matagaan sang laygay sa kung ano ang tama nga himoon ilabi na sa pagkuha sang mga permit kag masiguro nga makilala man ang mga naga tinir sang ila mga boarding houses.
Dugang pa sa iya, kuntani mangin vigilante ang tanan mag report gilayon sa barangay ukon sa mga kapulisan kung biktima sang pagpangawat ukon ano man nga sahi sang insedente agud ma respondehan sa gilayon.
Nagpanawagan man si Kap. Borje sa mga ginikanan sang mga kabataan nga dapat tudluan sang tama nga disiplina bangud kabataan ang masami ma imbolbar sa pagpangawat sa nasambit naman nga barangay.
