KORONADAL CITY – Wala na sang kabuhi sang masapwan ang isa ka lalaki sa bahin sang B’lok Creek,Barangay Zone 3, Koronadal City.
Sa interview sang Bombo Radyo Koronadal kay Mr. Reynand Batiller residente sang lugar kag nakakita sang bangkay, pasado alas 6 sang aga sang nasapwan ang bangkay sang lalaki nga ginkilala kay Richard Valenzuela, 47 anyos, construction worker, single kag residente sang Marañon Village, Barangay Zone 3, Koronadal City.
Gilayon dayon niya ini ginkuha sa nasambit nga B’lok creek agud nga marevive pa apang wala na ini naagapan.
Suno pa kay Reynand, naglakat sa namatyan kagab-i ang biktima kag nag-inom suno pa sang makahulubog nga ilimnon.
Dako ang pagpati sini nga bangud sa kahulugbon, natumba, nahulog kag nabunggo ang ulo rason sang iya nga kamatayon.
