Nagpagkit ang Pilipinas sang $2.12-bilyon nga balance of payments (BOP) deficit sang Abril bangud sa pagsaka sang presyo sang petorlyo kag pangkalibutanon nga kawad-an sang kasiguraduhan nga nagtuga sang pagguwa sang dolyar halin sa pungsod, suno sa Bangko Sentral ng Pilipinas.
Halin Enero tubtob Abril, naglawig ang BOP deficit sa $7.4 bilyon ukon ₱451 bilyon, nga katumbas na sang 95 porsiyento nga full-year forecast sang BSP nga $7.8 bilyon ukon ₱475.8 bilyon.
Nagnubo man ang gross international reserves sang pungsod sa $104.3 bilyon, ang pinakamanubo nga lebel sa sulod sang 15 ka bulan, apang bastante gihapon ini agud tustusan ang 6.9 bulan nga pag-import.
Suno sa mga ekonomista, padayon nga naapektuha ang pangluwas nga posisyon sang pungsod kag ang piso bangud sa pagsaka sang presyo sang petrolyo matapos ang nagluntad nga tensyon sa Middle East, maluya nga exports, kag mabaskog nga demand sa imports.
