KORONADAL CITY- Halos indi na makilala-an ang isa ka 17-anyos nga babaye makaligad nga mabunggu-an sang 1- wheeler truck sa Buenaflor, Tacurong City pasado alas 6:30 kagabi.
Base sa Tacurong City PNP, ang biktima ang ginkilala nga si Jenny Francisco Son, 17-anyos, trabahante sang isang videobar sa nasambit nga lugar kag residente sang Prk San Vicente, Labangal, General Santos City.
Nagagwa sa inisyal nga imbestigasyon nga nagatabok ang biktima sa national higway halin sa iya nga obra sang gulpi na lang may nag-agi na isa ka pick-up truck kag wala na sini natalupangdan ang isa 10- wheeler truck rason agud nga mabungguan kag matapakan ini.
Bangud sa nasambit nga insidente, wasak ang babaw nga bahin sang lawas sini.
Nahibaluan nga may sakay nga sinako nga mais ang nasambit nga truck nga ginamaneho ni Winter June Palomo nga residente sang Brgy Raja Muda, Tacurong City.
Sa karon, yara na sa kustodiya sang mga otoridad ang nasambit nga driver samtang gindala naman sa isa ka punerarya ang bangkay sang biktima.
