Ginpahanugotan sang regional trial courts sa Pasig kag Quezon City ang ayô sang Senado nga maka atubang sa imbestigasyon si Kingdom of Jesus Christ (KOJC) founder Apollo Quiboloy angut sa ginaalegar pagpang-abuso sini sa sulod sang iya relihuyuso nga grupo.
Matandaan nga sang nagligad nga semana, nagpadala sang sulat si Senadora Risa Hontiveros kay Pasig City Regional Trial Court Branch 159 Judge Elma Mendoza Rafallo-Lingan kag Quezon City Regional Trial Court Branch 106 Judge Noel Parel nga naga ayô nga makatambong sa legislative hearing si Quiboloy angut sa mga alegasyon batuk sa iya.
Nahibaluan nga ginpagwa sang duha ka korte ang desisyon, isa ka adlaw antis ang natalana nga pag atubang sang pastor sa Senado.
Preso ini sa karun bangud sa kaso nga pagpang-abuso kag qualified human trafficking.
