Nasiguro na sang Argentina ang iya puwesto sa semifinals sang 2026 FIFA World Cup matapos mapierde ang Switzerland, 3-1, sa extra time sa quarterfinals.
Nag-draw ang duha ka koponan sa regular nga oras antes nagkuha sang kadalag-an ang Argentina sa extra time.
Nangin sentro sang kadalg-an sang Argentina si Julián Álvarez matapos makaiskor sang game-winning goal sa ika-112 nga minuto.
Bisan wala nakaiskor si Lionel Messi sa sini nga hampang—ang una niya nga wala sang goal sa sini nga World Cup—ginpangunahan sa gihapon sang Argentina ang pag-atake.
Nakabawi ang Switzerland pinaagi sa goal ni Dan Ndoye nga nag-tie sang iskor.
Apang nagbag-o ang dalagan sang hampang sang mapahalin si Breel Embolo matapos makabaton sang ikaduha nga yellow card, nga nagbilin sa Switzerland nga napulo na lang ka players sa baylo nga 11.
Bisan mabakod ang depensa sang Switzerland, wala nila napunggan ang makusog nga pag-atake sang Argentina.
Matapos ang goal ni Álvarez, nagdugang pa sang isa ka goal si Lautaro Martínez sa mga katapusan nga minuto sang ekstra oras agud masiguro ang 3-1 nga kadalag-an.
Sa ila pagkadaog, nagasulod ang Argentina sa semifinals kag maga-atubang sa England sa Hulyo 15 sa Atlanta para sa isa ka most anticipated game.
