Magaatubangay ang defending champion nga Argentina kag England sa ikaduha nga semifinal sang 2026 FIFA World Cup sa Miyerkules, sa isa naman ka maragtas nga pag-atubangay sang duha ka pungsod nga may madugay na nga kompetensya sa football.
Madamo na sang mga indi malipatan nga hitabo ang natabo sa ila nagligad nga mga hampang sa World Cup, lakip na ang kontrobersiyal nga “Hand of God” goal ni Diego Maradona sang 1986 kag ang red card nga nabaton ni David Beckham matapos ang insidente nila ni Diego Simeone sang 1998.
Paglabay sang 24 ka tuig, magabalik ang Argentina kag England sa dako nga entablado sang football sa kalibutan, nga magaumpisa naman sang bag-o nga kapitulo sa ila maragatas nga pagkaribal.
Ini man ang una nga tion nga maatubang ni football legend Lionel Messi ang England sa FIFA World Cup, samtang pangunahan naman sang England ang ila mga star players nga sanday Harry Kane kag Jude Bellingham.
Ang magadaog sa sini nga semifinal ang makaabanse sa grand final sa Domingo, sa diin ila atubangon ang magadaog sa tunga sang France kag Spain para sa higayon nga maagaw ang titulo bilang kampeon sang kalibutan.
