Arestado ang isa ka anay Barangay Kagawad sang Saravia, Koronadal City makaligad nalamita sa ilegal nga droga

Ginpasakaan na sang kaso nga paglapas sa RA 9165 ukon Comprehensive Dangerous Drugs Act of 2002 ang isa ka anay barangay kagawad sang Brgy. Saravia makaligad madakpan sa ginpatigayon nga anti-drug buybust operation sang mga otoridad sa nasambit nga lugar.
Una sini ginkostudiya sang gintingob nga pwersa sang City kag Regional Drug Enforcement Units ang suspek nga si Lyton Brillo Mariano, 41 anyos.
Nakumpiskar halin kay Mariano ang duha ka pakete sang ginapatihan nga shabu, P500 marked money kag drug paraphernalia.
Nahibaloan nga madugay na nga ginbanatayan ang nasambit nga anay opisyal bangud sa pagkalamita sini sa ilegal nga droga.