KORONADAL CITY – Kalipay ang nabatyagan sang isa ka amay nga natuli ini sa edad nga 56-anyos sa libre tuli nga ginpatigayon sa banwa sang Tantangan, South Cotabato.
Ginkilala ini kay Tatay Manguratu Alidin, may asawa kag walo ka kabataan nga residente sang Barangay Barangay Tinongcop, Tantangan, South Cotabato.
Sa interview sang Bombo Radyo kay Tatay Alidin, wala ini mahuya nga siya ang pinakatigulang nga gintuli kadungan sang kafiestahan sang ila barangay.
Sa baylo nalipay ini kag proud bangud sa iya edad nga 56-anyos indi na suno pa ini putyong.
Suno sa iya, nabaton man siya sang iya asawa kag sa pagkamatuod may walo na gani sila nga kabataan.
Ang isa sa mga naka-engganyo sa iya kun ngaa nagpatuli ini apisar nga may edad na bangud sa premyo nga P3000 kag isa ka sako nga bugas.
Suno sa iya bangud sa kapigaduhon naawhag siya nga magpatuli.
Isa pa gusto niya man nga indi na mangin putyong tubtob nagakabuhi.
Laygay man sini sa ksubong niya nga may edad na nga wala pa natuli nga magpatuli na agud nga indi pagbayaan sang asawa.
Nahibaluan nga ang kwarta nga nabaton ni Tatay sa pagpatuli ang ginbakal niya sang pagkaon para sa iya pamilya.
