Nagbata na ang aktres kag content creator nga si Alex Gonzaga sang iya una nga bata nga isa ka baby boy, suno sa report.
Suno sa impormasyon, gin-kompirmar sang iloy ni Gonzaga nga si Pinty Gonzaga ang pagkabun-ag sang iya apo.
Apang wala man ini naghatag sang eksakto nga petsa sang pagkabun-ag sang iya apo ukon iban pa nga detalye.
Ginpahayag ni Gonzaga kag sang iya bana nga si Mikee Morada ang ila pagdala sang Mayo, halos anum ka tuig pagkatapos sang ila kasal.
Antes sini, ginpaambit ni Gonzaga nga nakaagi sila sang tatlo ka pregnancy loss kag nagaandam na kuntani para sa in vitro fertilization (IVF) sang nabusong siya sing natural.
Suno sa iya, bisan pa sa mga mabudlay nga eksperyensya, wala sila nadulaan sang paglaum kag padayon nga nagsalig sa Mahal nga Makaako tubtob nga natuman ang ila handom nga mangin ginikanan.
