Tuman ang kasadyahan kag pride sang aktor nga si Epi Quizon sang makuha ang isa ka importante nga milestone sa iya kabuhi amo ang paggraduate sa kolehiyo sa edad nga 53-anyos.
Ginpakigbahin sang aktor ang maayo nga balita pinaagi sa pagpost sang iya laragway sa iya social media account.
Makikita sa post ang mga kuha sang laragway ni Epi samtang suksok ang toga kag uyat ang iya diploma sa De La Salle University (DLSU).
Suno sa aktor, sang 1996, sa edad nga 23-anyos, amo ang panahon nga nag-umpisa siya mag-eskwela sa DLSU, apang wala nadayon bangud sa personal nga kabangdanan kag iban pa nga mga responsibilidad.
Gindugang pa sang aktor nga ang iya success kag diploma ang gina-halad niya para sa iya ginikanan, partikularmente sa iya nagtaliwan nga amay nga si comedy king Dolphy, kag sa iya iloy nga si Pamela Ponti.
