-- ADVERTISEMENT --

Nagapanawagan ang Department of Health (DOH) sa publiko nga maghalong batok sa mga balatian nga may kaangtanan sa tuman nga kainit sang panahon samtang nagapadayon ang epekto sang El Niño.

Suno sa ahensya, nagasaka ang posibilidad nga matabo ang heat exhaustion kag heat stroke bangud sang mataas nga temperatura.

Samtang, ginlaygayan man sang DOH ang publiko nga regular nga mag-inom sang bastante nga tubig bisan wala pa ginabatyag ang kauhaw agud malikawan ang dehydration.

Ginapahanumdom man ang mga pumuluyo nga limitahan ang pagkonsumo sang mga ilimnon nga may caffeine, mataas nga sugar content kag makahulubog nga ilimnon bangud mahimo ini makadugang sa pagkadula sang tubig sa lawas.

Ginpahayag sang ahensya nga kinahanglan ang bastante nga paghalong kag pag-atipan sa lawas, ilabi na sa tunga sang mabaskog nga init, agud malikawan ang mga balatian nga mahimo magresulta sa seryoso nga problema sa panglawas.