-- ADVERTISEMENT --

Nagapreparar na ang American singer nga si Miley Cyrus para sa isa ka importante nga hitabo sa iya kabuhi amo ang iya pagpakasal sa fiancé nga si Maxx Morando

Suno sa mga report, ginaplano nga ipatigayon ang kasal sang magpartner sa Southern California.

Masobra isa na ka bulan nga ginapreparar sang duha ang mga detalye agud masiguro nga mangin espesyal ang ila ginahulat nga adlaw.

Samtang nagapadayon ang ila preparasyon, naghatag man sang kilig sa ila mga fans ang singer sang gin-imbitar niya si Morando sa entablado sang Hollywood Bowl sang nagligad nga bulan.

Didto, nag-upod sila sa pagkanta sang awit nga “Let’s Get Married.”

Madumduman nga sang nagligad nga tuig, ginpahayag ni Cyrus nga nag-propose na sa iya si Morando, nga nagmarka sang isa ka importante nga tikang sa ila relasyon.

Antes sini, nangin bana anay ni Cyrus ang aktor nga si Liam Hemsworth matapos sila magpakasal sang 2018.

Apang, wala nagdugay ang ila pag-asawahay kag nagbulagay sila sang 2019.

Sa karon, nagahulat naman ang ila mga fans sa bag-o nga hugna sang love story nanday Miley Cyrus kag Maxx Morando.