Ginatarget sang Provincial Engineer’s Office sang South Cotabato nga mabuksan sa publiko sa una nga semana sang Disyembre ang South Cotabato Provincial Hospital (SCPH) Link-Bridge nga nagalab-ot na sa 84 percent ang construction accomplishment.
Suno kay Engineer Erisaldy Quines, Engineer IV kag Construction Division Head sang talatapan, dugtungon sang proyekto ang Annex Building kag Paywing Building sang ospital agud indi na kinahanglan magtabok sa dalan ang mga pasyente kag medical personnel sa pagbalhin sa duha ka building.
Ginpahayag man ni Quines nga makabulig ang proyekto sa pagbuhin sang traffic congestion sa lugar, ilabi na sa peak hours halin alas singko sang hapon tubtob alas otso ukon alas nuebe sang gab-i.
May yara man ini sang dekorasyon kag glass panels nga magadugang sa kaanyag sang estruktura kag mahimo mangin bag-o nga landmark sa probinsya. Samtang, ginpalawig tubtob Nobyembre 30, 2026 ang road closure sa construction site agud mapadayon ang obra.
Gani, ginapanugyan sa mga motorista nga maggamit sang alternatibo nga mga ruta kag magsunod sa traffic advisories para malikawan ang traffic congestion kag masiguro ang kaluwasan sang tanan.













