-- ADVERTISEMENT --

Nagsugod na ang tuigan nga paglalin sang minilyon ka pula nga alimango sa Christmas Island sang Australia, samtang nagapanaw ang mga ini halin sa kagulangan pakadto sa baybayon agud magpangitlog kag magpadamu sang ila kaliwat.

Suno sa Christmas Island National Park, nagasunod ang paglalin sa pagsugod sang tig-ululan, nga kinaandan nagakatabo sa Oktubre ukon Nobyembre kag ginadumalahan man sang hugna sang bulan.

Ginpahamtang man ang mga espesyal nga taytay agud makalabang sing luwas ang mga alimango sa masako nga dalan. May yara man adlaw-adlaw nga livestream ang parke agud makita sang publiko ang talalupangdon nga hitabo.

Samtang, temporaryo nga ginapasira ang pila ka dalan sa isla agud mapanalipdan ang mga alimango sa ila pagpanaw pakadto sa baybayon.