-- ADVERTISEMENT --
Nagtala sang kadalag-an ang pila ka Filipino-American nga kandidato sa midterm elections sa California, United States, nga naghatag sang dugang nga representasyon sa mga Pilipino sa politika sang estado.
Nakakuha sang ikaduha nga termino si Democrat Rob Bonta bilang State Attorney General, samtang nanguna man sa ila tagsa ka palumba para sa State Assembly ang iya mga kaupod nga sanday Mark Pulido kag Jessica Caloza.
Suno sa Associated Press, gindeklarar nga nagdaug si Bonta sa palumba batok sa iya kasumpong nga Republikano nga si Michael Gates.
Base sa resulta sang eleksyon sang Martes, nakakuha si Bonta sang 4,330,991 ka boto ukon 64.4 porsyento, kumpara sa 2,397,321 ka boto ukon 35.6 porsyento nga nakuha ni Gates.
