Nagdugang sa Gilas Pilipinas ang naturalized player nga si Bennie Boatwright sa ila 12-man roster para sa ika-lima nga window sang 2027 FIBA fiWorld Cup Asian Qualifiers sa Seremban, Malaysia, sa Nobyembre 27 kag 29.
Magabulos si Boatwright kay Justin Brownlee, nga nagapa-ayo halin sa pila ka mga pilas kag mga kabalaka sa ikaayong lawas, lakip ang isa ka balatian sa tagipusuon.
Yara man sa lineup ang mga magabalik nga mga players nga sanday Rhenz Abando, Mike Phillips kag Quentin Millora-Brown.
Indi na makahampang si Carl Tamayo bangud sa injury, si Calvin Oftana bangud sa malapit na nga pagbata sang iya asawa, kag indi na makahampang si June Mar Fajardo nga nagretiro na sa national team.
Ang Gilas may 4-4 nga rekord kag yara sa ikalima nga pwesto sa Group E.
Maga-atubang ini sa Syria sa Nobyembre 27 kag Iran sa Nobyembre 29, sa diin tuyo sini nga makakuha sang duha ka daug agud madugangan ang tsansa nga makasulod sa 2027 FIBA World Cup sa Qatar.
