Magahatag sang katumbas nga isa ka kilo nga bugas sa kada isa ka kilo sang karne sang baboy nga baklon ang mga mamimili sa 13 ka nagapartisipar nga meat shops sa banwa sang Tampakan, bilang kabahin sang tikang sang lokal nga panguluhan nga palig-unon ang suporta sa lokal nga industriya sang pagpanguma sang baboy.
Sugod Nobyembre 13, 2026, ipatuman ang programa sa pagpanguna ni Mayor Leonardo Escobillo, RN, agud madasig ang mga pumuluyo nga magbakal sang karne halin sa lokal nga mga nagabaligya sini, nga may katumbas nga libreng bugas nga ila mabaton.
Paagi sa sini nga tikang, ginatuyo sang lokal nga panguluhan nga mabuligan ang mga lokal nga hog raiser nga makabaligya sang ila mga produkto, mapabakod ang pangabuhian sang mga meat vendor kag makahatag man sang dugang nga bulig sa mga panimalay sa banwa.
Ang 13 ka meat shops nga magapartisipar sa programa amo ang masunod:
Paclibar Meat Stand – Public Market, Tampakan
Herana Meat Stand – Public Market, Tampakan
Deslate Meat Stand – Public Market, Tampakan
Suhot Meat Stand – Prk. San Isidro 1, Poblacion
B-Banz Meat Shop – Prk. 6, Maltana
Triple J Meat Shop – Barangay Sta. Cruz
Roger Meat Stand – Barangay Maltana
Enrico Meat Shop – Barangay Maltana
JO’s Meat Shop – Barangay Kipalbig
Dee Anns Meat Shop – Prk. 5, Maltana
Crisza Yllona Meat Shop – Barangay San Isidro
Lesley Meat Shop – Barangay San Isidro
Tampakan Community Meat Shop – Temporary Terminal, Poblacion
Gani, ginapanawagan sang lokal nga panguluhan ang suporta sang mga pumuluyo sa amo nga programa paagi sa pagpalabi sa pagbakal sang lokal nga karne, nga nagahatag sang benepisyo sa mga hog raiser, meat vendor kag tagsa ka panimalay sa Tampakan.
