Magapresentar pa sang dugang nga mga testigo ang kampo sang depensa ni Bise Presidente Sara Duterte agud sabton ang mga pamangkot nga wala natagaan sang klaro nga sabat sa nauna nga mga testimonya, ilabi na ang mga isyu nga may kaangtanan sa iya Statement of Assets, Liabilities and Net Worth (SALN).
Suno kay Defense Spokesperson Atty. Michael Poa, lakip sa ila luyag nga paathagon ang diperensya sang impormasyon sa SALN ni Duterte kag sa mga dokumento nga nakarekord sa Securities and Exchange Commission (SEC).
Ini kasunod sang pagpamangkot ni Senate President kag presiding officer Francis Escudero kay defense witness Atty. Suzette Balucanag-Punay nahanungod sa ginapahayag nga investment ni Duterte sa isa ka fast-food branch.
Gin-ako ni Punay nga wala siya kahibalo kun ngaa nagabaton sang bayad ang Bise Presidente halin sa amo nga negosyo.
Ginpaathag ni Atty. Poa nga may limitasyon ang ihibalo sang kada testigo, gani may iban pa sila nga ipresentar agud maghatag sang dugang nga impormasyon.
Samtang, indi na suno pa ipresentar ang kalabanan nga mga representante sang bangko bilang testigo, luwas sa representante sang isa pa ka bangko.
Wala pa man ginapahayag sang depensa ang pagkakilanlan sang iban pa nila nga mga testigo.
