Gin-usisa ni House Prosecution Counsel Atty. Reynaldo Robles ang testigo sang depensa nga si Chadrin Parian nahanungod sa iya preparasyon nga buligan si Atty. Manases Carpio sa bisan ano nga paagi nga masarangan niya.
Antes sini, ginpamangkot ni Robles kun daw ano na kadugay ang ila pag-abyanay ni Carpio, lakip ang pila nila ka pag-upod sa mga sports tournament sa iban nga pungsod kag sa Pilipinas.
Gin-usisa man sang private prosecutor kun sin-o ang nagpalapit kay Parian agud magtestigo sa impeachment trial.
Suno kay Parian, una na nila nga naistoryahan sa ila grupo kun paano mabuligan si Carpio matapos magguwa sa impeachment trial ang isyu nahanungod sa madamo nga pares sang sapatos nga ginbakal sini para sa mga player.
Ginpunto ni Robles nga ang amo nga pahayag nagapakita sang preprasyon ni Parian nga magbulig kay Carpio samtang nagapadayon ang impeachment trial.
Madumduman nga ginpresentar sang depensa si Parian agud magpaathag sa P256,882.50 nga credit card purchase ni Carpio sa isa ka kilala nga tindahan sang sapatos sa Kuala Lumpur, Malaysia.
