Daw indi na kinahanglan sang loudspeaker!
Isa ka British woman ang nakakuha sang Guinness World Records bilang pinakamabaskog magsinggit nga babaye sa kalibutan matapos makarekord sang 105.9 decibels.
Naga-serbisyo si Brenda Willison nga bilang town crier halin pa sang 1987, nagsinggit sang pulong nga “Oyez” sa iya official attempt nga nagahatag sa iya sang duha ka world records bilang pinakamabaskog ang tingog nga babaye nga town crier kag pinakamabaskog nga singgit sang isa ka babaye.
Nagsugod ang iya pagka-town crier matapos nga ang iya anak nagpadala sang aplikasyon para sa iya.
Sadto, nagatrabaho siya sa isa ka country park nga may duha ka café nga may distansya nga isa kag tunga ka milya.
Nagpanugyan pa ang iya anak nga kun magsinggit ang iya iloy sang “chips” sa isa ka café, mabatian ini sa pihak nga café.
Apang, suno kay Willison, indi pa gani amo sina ang pinakamabaskog nga mahimo niya nga singgit.
Samtang, nakuha naman sang Australian town crier nga si Joseph McGrail-Bateup ang male record matapos makarekord sang 122.4 decibels sa iya pagsinggit sang pulong nga “now.”
Daw kinahanglan gid nga magpanabatay ang duha kon sin-o ang mas mabaskog ang tingog!
