Gin-ako ni United States President Donald Trump nga mangin mabudlay ang iya plano nga deporton ang minilyon nga mga imigrante nga wala sing legal nga dokumento sa Estados Unidos.
Sa interview sang CBS program nga “60 Minutes” nga ginpasalida sang Domingo, nagsiling si Trump nga daku nga hangkat ang pagpatuman sang amo nga plano.
Apang bisan pa sini, gintangdo niya si Stephen Miller, isa sa mga nagapanguna sa paghimo sang estrikto nga polisiya sa imigrasyon, bilang bag-o niya nga hepe sang mga tinawo sang nagligad nga Biernes.
Nahibaluan nga ang estrikto nga kampanya sang administrasyon batok sa mga imigrante nag-atubang sang madamo nga pagsupak, ilabi na sa pamaagi sang pagdakop kag pagpatuman sang deportasyon.
Si Miller ginkabit man sa mga operasyon sang mga ahente sang imigrasyon nga nagresulta sa pagtiro kag pagkapatay sang duha ka Amerikano sa temprano nga bahin sang sini nga tuig.
