Nagpadayon ang impresibo nga kampanya sang Filipina tennis star nga si Alex Eala matapos sini mapierde ang Croatian player nga si Antonia Ruzic sa quarterfinals sang Hong Kong Open, paagi sa dikit nga hampang nga natapos sa iskor nga 7-6 kag 7-5.
Dako ang impresibo nga performance nga ginpakita ni Eala sa bug-os nga match, bangud wala nagpadaug ang duha ka players apisar nagpakita sang mainit nga hampang sa kada puntos.
Apang, bangud sang iya kalma nga performance, determinasyon kag maayo nga estratehiya, nagmadinalag-on ang Pinay tennis sensation kag nasiguro ang iya puwesto sa semifinals.
Isa naman ka mabudlay nga pagsulundan ang nagahulat kay Eala sa masunod nga hugna, bangud magaatubang siya sa Greek tennis player nga si Maria Sakkari.
Kilala si Sakkari bilang isa ka eksperyensyado nga player sa international tennis circuit, nga nakaabot sa World No. 3 sang Marso 2022 kag yara sa ika-30 nga pwesto sa kalibutan.
Sa karon, apat na lamang ka players ang nabilin sa kompetisyon, lakip sanday Eala, Sakkari, Claire Liu kag Alexandra Shubladze.
Nagapakita ini nga nagasulod na ang torneo sa mas mabudlay kag mas mapisan nga bahin sini.
Dako ang posibilidad nga mangin isa ini ka importante nga bahin sang karera ni Eala, nga padayon nga nagadala sang dungog kag inspirasyon sa Pilipinas.
Ginlauman sang mga tagasuporta kun makapadayon pa siya sa iya madinalag-on nga kampanya kag makasulod sa grand finals sang Hong Kong Open.
