Matigdas nga ginpamangkot ni private prosecutor Atty. Erwin Matib ang Securities and Exchange Commission (SEC) lawyer nga si Gerardo Del Rosario kon ang kakulang sang klaro nga impormasyon nahanungod sa interest ni Vice President Sara Duterte sa Gencorp Industries Incorporated bangud confidential ang amo nga impormasyon.
Sa redirect examination sa impeachment trial, gin-usisa liwat ni Matib ang ginapahayag nga interest sang Bise Presidente sa amo nga kompanya kag kon may yara bala sang impormasyon ang SEC nga wala ginapahayag bangud sa confidentiality.
Apang suno kay Del Rosario, base sa iya ginpreparar nga summary, wala makita ang ngalan ni Duterte sa Gencorp Industries Incorporated halin sa incorporation sang kompanya tubtob sa mga pag-file sini sang General Information Sheet ukon GIS.
Gin-athag man sang SEC witness nga ang ila ginbasehan amo ang mga corporate records nga yara sa ahensya.
Nauna na nga natalakay sa hearing ang Gencorp may kaangtanan sa mga dokumento sang korporasyon nga gin-usisa sa impeachment case.
Samtang, ginkontra sang defense team ang pamangkot ni Matib kag ginpahayag nga misleading ini.
