Nakumpleto na sang Gilas Pilipinas ang lineup sang mga players nga magasabak sa 20th Asian Games sa Aichi-Nagoya, Japan.
Suno kay coach Tim Cone, ginkuha nila si Calvin Oftana bilang tal-os ni Justin Brownlee, nga nagapaayo pa bangud sa iya injury.
Nakaupod na si Oftana sa ensayo sang Gilas kag suno kay Cone, kabisado na sini ang sistema sang team bangud nakaupod na siya sa mga nagligad nga hampang sang national team.
Nahibaluan nga si Oftana lang ang miyembro sang kasamtangan nga lineup nga nakadaog sang bulawan nga medalya sa 2023 Asian Games sa Hangzhou, China.
Upod sa lineup sanday Don Trollano, RJ Abarrientos, Justine Baltazar, Justin Arana, Jerrick Ahanmisi, Robert Bolick, Sedrick Barefield, Brandon Bates, Brandon Ganuelas-Rosser, Zavier Lucero, Adrian Nocum, kag Calvin Oftana.
Una nga magaatubang ang Gilas Pilipinas sa Bahrain sa Setyembre 11.
