Naglaum si Interior Secretary Jonvic Remulla nga pagasugtan sang Sandiganbayan ang ila ipasa nga mosyon nga ibalhin sa Philippine National Police (PNP) General Hospital si anay Speaker Martin Romualdez.
Suno kay Remulla, may yara sang kapasidad ang PNP General Hospital nga mahatag ang kinahanglanon nga pag-atipan kay Romualdez, kasubong sa pribado nga ospital kun sa diin siya naka-confine sa kasamtangan.
Ginpahayag niya nga ang pagbalhin mahimo nga kabahin sang mga preparasyon sang gobyerno agud masiguro ang seguridad kag nagakaigo nga pag-atipan sa mamalidha.
Sa idalom sang plano, ang mga abogado lamang ni Romualdez kag ang iya immediate family members ang pagapasugtan nga makabisita sa iya.
Samtang, ginmanduan na ni Remulla ang mga opisyal sang New Quezon City Jail sa Payatas Road nga magpreparar sang selda nga paga-estaran ni Romualdez.
Ginpahayag man nga kinahanglan nga mangin preparado ang pasilidad sa bisan san-o nga tion nga maaprubahan sang Sandiganbayan ang pagbalhin.
Sa karon, nagahulat pa ang mga otoridad sa desisyon sang korte antes ipatuman ang nasambit nga pagbalhin.
