Madinalag-on nga nakuha ni Coco Gauff ang iya ikaduha nga women’s Cincinnati Open title matapos nga malutos niya ang iya kasubong nga Amerikana nga si Jessica Pegula, sa iskor nga 6-2, 6-4.
Ang ila nga pag-atubang amo ang una nga all-American women’s final sa amo nga torneo sa sulod sang 56 ka tuig, halin sang mag-atubangay sanday Rosie Casals kag Nancy Richey sang 1970.
Nagpakita gilayon sang kusog si Gauff sa una nga set kag nakaabanse sang 5-0 antes niya ini gintapos sa iskor nga 6-2.
Bisan pa nagtinguha nga makabalik si Pegula sa ikaduha nga set kag ginpalapit ang iskor sa 5-4, nangin mabakod gihapon si Gauff kag gintapos ang hampang paagi sa iya lima ka break points.
Bangud sini nga kadalag-an, nagtie break na ang ila head-to-head series sa 5-5.
Ang nasambit nga kadalg-an ang maayo nga preparasyon para kay Gauff antes sang US Open, ilabi na kay nagkampeon man siya sa amo nga Grand Slam sang ulihi niya nga pagdaog sa Cincinnati.
