Nakakuha na sang slot para sa World Championship si 22-anyos nga Ellaiza Nicole Rojo matapos niya tapuson ang Ironman 70.3 Lapu-Lapu sa Cebu sa oras nga 5 ka oras kag 15 minutos, bisan isa ka bulan lamang ang iya preparasyon.
Sa interview sang Bombo Radyo Koronadal kay Rojo, iya ginpahayag nga nangin mabudlay ang kompetisyon bangud sa mabaskog nga balod kag hangin nga dala sang bagyo.
Na-adjust ang swimming leg, apang ginhimo niya nga advantage ang iya kusog sa paglangoy matapos malampuwasan ang 1.9-kilometer swim sa sulod lamang sang 19 minutos.
Mas nangin mabudlay ang bike leg bangoud sa headwind kag crosswind, samtang sa run leg, nabatyagan niya ang kasakit sa iya mga tiil kag pagkapoy.
Bisan pa sini, nagpadayon si Rojo tubtob sa finish line.
Suno kay Rojo, dako nga bahin sang iya kadalag-an ang determinasyon, disiplina kag maayo nga pagdumala sang tion.
