Patay ang lima ka indibidwal kag napilasan ang sobra 10 pa sa pinakabag-o nga serye sang pag-atake sang Russia sa Ukraine.
Naghalin ang sunog sa nagkalain-lain nga bahin sang Kyiv, lakip ang isa ka book market, suno kay Ukrainian President Volodymyr Zelensky.
Ginpahayag ni Zelensky nga ginatarget sang Russia ang civilian infrastructure sa amo nga mga pag-atake.
Napatay ang duha ka indibidwal kag napilasan ang 14 ka trabahador sang isa ka steel plant sa Kryvyi Rih.
Napatay man ang duha ka indibidwal nga yara sa ila 60s matapos maguba ang isa ka balay sa Zaporizhzhia.
Napatay naman ang isa ka indibidwal sa Sumy bangud sang pag-atake.
Ginpahayag sang Russia nga gin-target sini ang mga pasilidad nga nagaobra sang missile kag drone components sa Ukraine.
Nagreport man ang Russia nga gin-atake sang Ukraine ang Moscow kag iban pa nga lugar, nga nagresulta sa pila ka patay kag pilason.
Ginpahayag sang Russian officials nga yara sa 600 ka Ukrainian drones ang ginlunsyar padulong sa Moscow kag naigo ang isa ka warehouse sang online retailer nga Wildberries.
