Napatay ang masobra 38 ka indibiwal matapos gintay-og sang magnitude 7.7 sa isla sang Flores, Indonesia.
Suno sa Indonesia disaster mitigation agency, madamo man ang napilasan kag naguba ang pila ka mga building bangud sa mabaskog nga linog kag mga aftershocks.
Isa sa pinakakusog nga aftershocks ang naglab-ot sa 6.1 magnitude.
Nagpagwa man ang mga awtoridad sang tsunami warning matapos ang linog.
Apang ginkakas ini makaligad ang tatlo ka oras matapos wala makit-an ang makahulugan nga pagsaka sang lebel sang dagat.
Ginabulubanta nga 2,000 ka indibdiwal ang nag-evacuate ukon nagbalhin sa mas mataas nga lugar.
Ginapaandaman ang mga residente nga magpabilin nga alerto kag magpalayo sa mga baybayon kag mga building nga may senyales sang pagkaguba.
Padayon ang search and rescue operations sa mga lugar nga apektado sang linog.
