isan kinahanglan maghulat kag mag-antos sa malaba nga nagapila, ginakabig sang mga benepisyaryo nga dako nga bulig sa ila panimalay ang P20 kada kilo nga bugas sang National Food Authority ukon NFA.
Sa interview sang Bombo Radyo Koronadal kay Nita Babayen-o, isa ka senior citizen nga nakabakal sang P20/kl nga bukas nga wala nahuyang ang iya paghulat bangud mas dako ang ila nakinot kumpara sa presyo sang bugas sa merkado.
Suno sa iya, ang bugas nga nagabalor lamang sang P20 kada kilo mas barato kumpara sa mga bugas nga kasagaran ginabaligya sa merkado nga nagaabot sa P50 tubtob P60 ukon sobra pa kada kilo, depende sa klase.
Bangud sini, ang kwarta nga dapat tani magasto sa mas mahal nga bugas mahimo pa nila magamit para sa iban nga importante nga panginahanglan kasubong sang pagkaon, bulong kag iban pa nga adlaw-adlaw nga gastuhon.
Para kay Babayen-o, indi na mabug-at ang paghulat kag pagsunod sa proseso basta makabulig ini nga mapamag-an ang gasto sang ila pamilya kag makahatag sang dugang nga suplay sang bugas sa ila panimalay.
